Ságastallanstrategiijat leat teknihkat maid mii geavahit njálmmálaš gulahallamis. Daid bokte mii álggahit, stivret ja loahpahit ságastallamiid. Ságastallanstrategiijat leat veahkkeneavvut maid bokte mii oažžut ságastallamiid mannat njuovžilit, muhtin dihto gillii. Go ságastaladettiin stivre guđe gillii galgá ságastallat, de dat maid čájeha makkár vuordámušat mis leat dan dihto gillii.
Go mánát leat skuvlaagis, de sin giella ovdána hui olu. Sis lea hui dávjá rikkis giella ja ipmirdit abstrákta sániid, dajaldagaid ja metaforaid. Go mánná lea skuvlaagis, de sin ságastallanstrategiijat maid ovdánit ja sii ohpet movt galgá vástidit vai ságastallan joatká iige noga. Dainna lágiin sii ožžot earáid muitalit eanet, ja nu maid de joatká ságastallan. Ságastallanstrategiijat leat buorit metodat doalahit ságastallama sámegillii.
Gáldu:
Vatne, Torun Marie 2013: Å snakke med barn. Frambu.
Pasanen, Annika & earát 2022: Gievrras giellamodeallat. Sámediggi.