Organisatuvrralaš eavttut ja diđolaš giellageavaheapmi
Dain eará gealbopáhkain lehpet lohkan ja ságastallan sihke organisatuvrralaš eavttuid ja diđolaš giellageavaheami birra, mat leat hui dehálaš fáktorat go bargá oamastanmodeallain. Ovttagielat sámegielat arenat ja bargit geat dihtomielalaččat sámástit mánáiguin leat mearrideaddji bargovuogit jus háliida ahte mánát šaddet produktiiva sámegielagiin. Dát guoskka sihke mánáidgárddiide geat fállet dievaslaš giellalávguma dahje giellabeasi, ja oasseáigásaš giellalávguma.
Eaiggádiid ja jođiheddjiid gealbopáhkas sáhtát lohkat eanet organisatuvrralaš eavttuid ja diđolaš giellageavaheami birra.
Image
Suokkardallangažaldagat:
- Maid mearkkaša ahte lea dihtomielalaš giellageavaheapmi, ja movt sáhttit bargat dainna árgabeaivvis?
- Movt sáhttet mielbargit doarjut guhtet guoibmásat go áigu ovdánahttit diđolaš giellageavaheami bargovugiid?
- Makkár organisatuvrralaš eavttut fertejit leat sajis, vai sihkkaraste ahte čuovvu oamastanmodealla bargovugiid?