Maanaskuvle
Gïelebaalkah leah namhtah nedtevierhtie mij edtja viehkine årrodh njaalmeldh gïelem jïh lohkeme- jïh tjaelemeööhpehtimmiem evtiedidh. Daate boelhke lea sjïere lohkehtæjjide ussjedovveme maanaskuvlen - dovne smaaveskuvlen jïh gaskedaltesen -lohkehtæjjide. Daesnie naan uvtielassh maa guktie gåarede njaalmeldh saemiengïelen evtiedimmine barkedh jïh sjïere lohkeme- jïh tjaelemeööhpehtimmine. Daesnie gååvnese dovne teoretihke våarome jïh uvtielassh praktihke barkojde. Ulmie lea ahte skuvli juhtiehtæjjah jïh lohkehtæjjah faagegievlesne nænnoes maahtoevåarmomem åadtjoeh jïh guktie maahta barkedh saemien lohkemem jïh tjaelemem jienebine faagine evtiedidh. Fïereguhte boelhkese aaj bïhkedassh gaavna guktie maahta dejnie barkedh. Saemien lohkemejarnge lea sæjroem bæjjoehtamme, jïh Saemiedigkie lea barkoem dåarjoehtamme.
Gïelebaalkah maanaskuvline aelkedh. Ulmie daejnie boelhkine lea aktem ektiegoerkesem bigkedh gusnie lohkehtæjjah sïnsitniem skreejrehtieh, ektine jïermestallieh jïh soptsestallieh. Daennie paahkesne aaj galka nööredh goerehtidh dam lohkeme- jïh tjaelemeööhpehtimmiem mij daelie åtna, jïh dellie veeljedh mennie suerkesne vijriebasse evtiedidh.
