Láidehus ja suokkardallangažaldagat: Bearraša rolla máná sámegielovdáneamis

Image

Deháleamos oassi máná giellaovdáneamis dáhpáhuvvá ruovttus. Ruovttus mánát ohppet iežaset vuosttaš giela dahje gielaid. Sámi mánát dávjá ohppet máŋga giela ruovttus, sihke sámegiela ja riikka váldogiela. Boahtte oasážis beassabehtet geahččat filmmaža mas muitaluvvo makkár rolla bearrašis lea máná sámegielovdáneamis. 

Suokkardallangažaldagat maid sáhttibehtet digaštallat ovdalgo geahččabehtet filmmaža: 

• Movt lea dássážii ovttasbargu sámegieloahpahusa /sámegielovdáneami ektui doaibman gaskkal váhnemiid ja skuvlla/mánáidgárddi?
  • Leatgo dis vásáhusat dán ovttasbarggus maid livččii buorre fievrridit boahttevaš ovttasbargguide?
• Movt sáhttet váhnemat veahkkin váikkuhit máná sámegielovdáneapmái?
• Movt sáhttit rávvet ja movttiidahttit váhnemiid ja eará bearaslahtuid sámástit mánáin ruovttus ja astoáiggis?