Maanagïerte: ILO-konvensjovne
Guvvie: Árvu
ILO-konvensjovne nr. 169 åtna åejvieprinsihpe mij jeahta aalkoealmetjh reaktam utnieh jïjtsh kultuvrh gorredidh jïh vijriesåbpoe evtiedidh. Seamma aejkien daate konvensjovne dïedtem beaja reeremidie edtjieh gïehtjedidh daam barkoem dåarjoehtidh.
ILO-konvensjovne nr. 169 vihteste aalkoealmetjh reaktam utnieh jïjtsh kultuvrelle evtiedimmiem stuvredh, jïh aaj jïjtse gïelem nåhtadidh, jïh jïjtsh institusjovnh tseegkedh juktie dej åvtese reerenassigujmie barkedh.
Konvensjovne dåarjohte aalkoealmetji daerpiesvoete jïjtsh institusjovnide håaltodh, jïjtsh jieledevuekieh jïh ekonomihke evtiedimmieh reeredh. Daate aaj buakta aalkoealmetjh edtjieh nuepiem utnedh sijjen identiteetem, gïelem jïh religijovnem tjåadtjoehtidh jïh evtiedidh, laakemieriej sisnjeli dennie staatine gusnie jielieminie. Konvensjovnesne nænnoestimmieh dovne laantereaktaj, ientedimmien jïh barkoejielemen, ööhpehtimmien, sosijaaledåarjoen jïh starnevoeten bïjre.
Nöörje lij dïhte voestes rijhke mij ILO-konvensjovnem nr. 169 dååhkesjidti. Daate heannadi ruffien 7.b. 1990, jïh faamose tseegkedovvi snjaltjen 20.b. 1991. Dellie nænnoesti Nöörje edtja konvensjovnem fulkedh saemiej gaavhtan.
Teekste lea reerenassen viermiesæjrojste veedtjedovveme (18.03.2025), jïh Gïelebaalkan viermiesæjrojde sjïehtesjamme.
Gaaltije:
ILO-konvensjonen om urfolks rettigheter - regjeringen.no