Muitalusmállet
Leat máŋggalágan muitalusmállet mat leat muitaluvvon ja muitaluvvojit:
- Árgabeaimuitalusat mat sisttisdollet juohkebeaivválaš fearániid. Leat vuođđoárvvuid birra nu go ovddasmorraša, ráhkisvuođa birra, bearraša birra ja nu ain.
- Balddonasmuitalusat mat sáhttet leat duohtadáhpáhusat dahje fikšuvnnat
- Elliid birra muitalusat main elliin leat olmmošlaš dáiddut
- Muitalusat stáluid ja jiehtanasaid birra mat deaivvadit olbmuiguin
- Árbevirolaš muitalusat main muitaluvvojit fearánat sápmelaččaid eallimis, nu go guovssahasa birra, ulddaid birra, noiddiid birra ja nu ain.
- Dáiddamuitalusat leat muitalusat dovddus muitalusčálliin nugo HC.Andersen muitalusat
- Álbmotmuitalusat leat muitalusat maid eat dieđe gos leat vuolgán dahje gii lea muitalan.
Reflekšuvdna ja suokkardallan
A.Ságastallet makkár muitalusmálliiguin lehpet buot eanemus / unnimus bargan oahpahusas.
Á. Guorahallet gos dii dábálaččat gávdnabehtet muitalusaid maid geavahehpet oahpahusas. Leat go girjjiin vai leat go muitalusat maid ieš leat gullan?