Rávvagat váhnemiidda
Váhnema rolla máná sámegielovdáneamis:
Sámegielat váhnemat: Sámástehket álohii dahje nu dávjá go vejolaš, ja buot vejolaš sámegielbirrasiin.
Váhnemat geat máhttet veahá sámegiela: Sámás nu olu go máhtát ja sáhtát, ja oza sámegielat doarjaga. Oza sámegiel sisdoalu ja oahpponeavvuid, ovdamearka dihte spealuid, áppaid, plakáhtaid, sátnegirjjiid, ja searvva doaimmaide sámegielat birrasiin.
Váhnemat geat eai sámás: ane árvvus sámegiela, bija áiggi sámegieloahpahussii ja geahččal oahppat (goit veahá) sámegiela. Oza sámegiel sisdoalu ja oahpponeavvuid, ovdamearka dihte spealuid, áppaid, plakáhtaid, sátnegirjjiid, ja searvva doaimmaide sámegielat birrasiin.
Lea buoret vásihit veahá sámegiela go ii obage vásihit dan. Maiddái sii geat leat oahppagoahtán sámegiela ávžžuhuvvojit sámástit mánáiguin. Váikke alddát ii leat nu nanu sámegiella, de máná giella ii “billahuva” jus geahččalat sámástit mánáin.
Gáldu:
Annika Pasanen, ovdanbuktiin, 2023-24