Dán páhka fáddá lea mánáid giellaovdáneapmi ja movt dainna bargá beaivválaččat mánáidgárddis.
Mánáid giellaovdáneapmái gullá sihke báhkkodeapmi, sátnevuorká, sániid sojaheapmi ja cealkkahuksen. Dasa gullá sihke dál-ja-dás giella muhto maiddái máhttit muitalit mii vássan áiggis lea dáhpáhuvvan, nugo:
"Ikte stoagaimet olgun, muhto odne mii stoahkat siste."
Báhkkodeapmi mearkkaša máhttit dadját sániid. Mánát háhket sátnevuorkái sániid beaivválaš ságastallamiid ja stoahkama bokte, ja go besset gullat muitalusaid, máidnasiid ja lávlagiid. Go gielas leat olu sojaheamit nu go sámegielas, de lea dehálaš ahte oahppá sániid sojahit ja geavahit cealkagiin.
Vaikko mánná ii vástit, de lea dehálaš ahte rávisolmmoš hupmá olu mánáin ja jearaha mánás, go de beassá mánná vásihit giela ja nu ipmirdišgoahtá dađistaga sániid ja cealkagiid.