Giella ja lohkandoaimmat

Lohkanboddu ja máinnasteapmi mánáidgárddis lea mávssolaš sihke máná giellaovdáneapmái ja vai mánát huksejit oktasaš referansaid. Muitalusain ja girjjiin deaivvidit sániiguin, sátnehámiiguin ja dajaldagaiguin mat eai gullo min beaivválaš gielas. Jus bargu mánáid giellaovdánemiin galgá lihkostuvvat, de ferte beaivválaččat bargat gielain, ja áinnas lohkat girjjiid ja muitalit muitalusaid.

Ulbmil dáinna gealbopáhkain lea nannet mánáidgárddiid beaivválaš barggu mánáid giellaoahpahallamiin iešguđet lágan lohkandoaimmaid bokte.

Gealbopáhkaid bargguid bokte oažžubehtet vejolašvuođa iežadet vásáhusaid ja máhtu juogadit ja ovddidit. Systemáhtalaš oktasaš árvvoštallan lohkandoaimmain ja giellaovdáneamis, addá vejolašvuođa bures lihkostuvvát lohkamiin ja giellabargguin, sihke ovttaskas mánnái ja olles mánnájovkui.