Gárvves lohkanbingo ja guoros lohkanbingo mála
Daid lohkanbingo málaid beasat atnit oahpahusas. Sáhtát ráhkadit gilvun, addit ruovttubargun, bargat skuvllas dahje kombineret nu ahte šaddá sihke ruovttu- ja skuvlabargun. Jus attát ruovttubargun, de sáhtát sihttát ruovttus rávisolbmo vuolláičállit go doaibma lea čađahuvvon, dahje sáhtát sihtat govvet go leat bargamin doaimma. Sáhtát maid sihtat muitalit girjji dahje čállosa birra maid leat lohkan.
Movt bargat lohkanbingon:
Daga doaimma mii lea čállojuvvon. Go leat čađahan doaimma, de beasat russet ruvttu. Mihttu lea russet nu máŋga ruvttu go vejolaš.
Ulbmil lohkanbingo-doaimmain galgá leat movttiidahttit mánáid lohkat, ja dahkat lohkama suohtas doaibman. Sáhttá šiehttat somás doaimma bálkán maŋŋel go buohkat leat nákcen russet ovdamearkka dihte njeallje ruvttu.
