Mii lea lohkangearpmaš?
Lohkangearpmaš lea lohkanhárjehus mas oahppi galgá hábmet cealkaga mii heive gullevaš tekstii. Dábálaččat lea dakkár lohkanhárjehusain oanehis teaksta mas lea rabas loahppa. Teavstta vuollelis leat dasto guokte cealkaga mat eai leat ipmirdahtti, go dain leat sánit bordojuvvon hiluid háluid. Dát cealkagat eai čuovo čállinrávvagiid ja normála čállinnjuolggadusaid. Dat šaddá dasto oahppi bargu hábmet ođđa cealkaga dain sániin, nu ahte cealkka šaddá ipmirdahtti ja buktá čielgasa tekstii. Rievttes vástádus galgá leat grammatihkalaččat riekta čállojuvvon. Dát lohkanhárjehusat čájehit ahte oahppi hálddaša syntávssa ja oaidná makkár sániid heive goallostit oktii.
Lohkangearpmaš hárjehusaiguin sáhttá vuos ovttas bargat olles luohkáin ja dasto sihtat ohppiid bargat joavkkus dahje iešheanalaččat ođđa teavsttain.
