Heivehit ja čađahit Blabb-lohkanhárjehusaid

Blabb-lohkanhárjehusaid sáhttá heivehit ohppiide. Daid sáhttá čađahit sihke smávvadási-, gaskadási- ja nuoraidskuvllaohppiiguin. Dan lohkahárjehusa sáhttá čađahit singuin geat leat bures ovdánan lohkit ja singuin geat rahčet lohkamiin. Daid sáhttá maid heivehit fágaide. Sáhttá ráhkadit dahje válljet teavsttaid mat leat čatnasan dahje mat heivehit dihto fágii ja dihto fáttáide.  

Ovdamearkat blabb-hárjehusa bargovugiide:  

• Iešheanalaš bargu: 
  Oahpaheaddji addá juohke oahppái sierra bargoárka mas leat sullii 2 – 4 oanehis teavstta. Juohke oahppi lohka daid iešheanalaččat ja akto árvala mii Blabb sáhttá leat. Sáhttá maid bivdit ohppiid čállit oanehis ákkastallama dahje čilgehusa manin Blabb sáhttá leat danin go árvida.  
   
• Joavkobargu:  
  Oahpaheaddji juohká ohppiid joavkkuide ja addá juohke jovkui bargoárkka mas leat sullii 2 oanehis teavstta. Joavkobarggu ulbmil lea láhčit dili jitnositlohkamii, ságastallamii ja ovttas suokkardallamii. Oahppi galget ovttas gávnnahit mii Blabb lea.  
   
• Oahpaheaddji lohka Blabb-teavstta jitnosit olles luohkkái. Oahppit galget geahččalit árvidit mii Blabb lea, ja ákkastallat ja čilget manin doivot Blabb leat danin go árvidit. Heive hui bures 1.luohkkáceahkkái ja muđui smávvadássái.  
   

Oahpaheaddji addá juohke oahppái sáni, ja oahppit galget ieža čállit ja hábmet Blabb-teavsttaid. Go leat čállán Blabb-teavstta de sáhttet oaččut eará ohppiid árvidit mii Blabb lea. Heive hui bures gaskadássái ja nuoraidskuvlii, muhto eaktuda ahte lehpet vuos oahpásnuvvan dán bargovuohkái ja ovdal bargan blabb-teavsttaiguin.