Reflekšuvdna ja suokkardallan: Muitalusat ja máidnasat

A. Lea ollu digaštallan leamaš dan birra ahte lea go riekta ja oažžugo skuvllain ja mánáidgárddiin muitalit muitalusaid mánaide earet eará ulddaid, stáluid, balddonasaid ja čáhcerávggaid birra. Seammás sámi mánáin lea riekti oahppat iežaset kultuvrra birra. Maid oaivvildehpet dii dán áššis? Mo dán hástalusa sáhttá čoavdit? Ferte go earuhit man ollu sáhttá deattuhit sámi árbevirolaš muitalusaid guovddáš sámi báikkiin dahje báikkiin gos ii leat sámi kultuvra váldokultuvra?

Á. Jáhkkibehtet go ahte mánáide lea vahágin vai ovdamunnin gullat daid seamma muitalusaid maiguin dii lehpet bajásšaddan?

B. Maid masset mánat jus eai beasa sámi árbevirolaš muitalusaid gullat?