Kártet skuvlla gielladili

Eanas oahpaheaddjit leat hárjánan áicat ja kártet ohppiid giela ja giellageavaheami. Dakkár kártemiin dávjá lea ulbmil iskkat dárbbašitgo oahppit liige čuovvoleami giellaovdáneami ektui. Go galgá kártet giellabirrasa ja gielladili, de lea eará ulbmil ja eará masá galgá bidjat fuomášumi.  

Go kárte giellabirrasa ja gielladili, de lea ulbmilin gávnnahit makkár giella geavahuvvo eanemusat, sihke ohppiid, bargiid ja váhnemiid gaskkas. Dakkár kárten čájeha makkár giellamodealla din skuvla sáhttá fállat.  

Boahtte sešuvnnas lea kártenskovvi maid sáhttá geavahit go galgá kártet giellabirrasa ja gielladili.