Mihttun sámegieloahpahusas ja fálaldagas lea ahte mánát galget oahppat sámegiela ja šaddat produktiiva sámegielagiin. Mánát leat produktiiva sámegielagat go lunddolaččat válljejit sámástit. Gievrras giellamodeallat, sihke oamastan- ja nannemodealla, leat dat beaktileamos vuogit olahit dán mihtu. Giellamodeallat leat reaiddut maid bokte giellaoahpahus oažžu čielga mihtuid, heivehuvvon metodaid ja dát váikkuhit dasa ahte organisatuvrralaš eavttut, diđolaš giellageavaheapmi ja mánáid gielalaš bohtosat árvvoštallot. Buot dát bealit dahket ahte giellaoahpahus oažžu struktuvrra ja šaddá mearrediđolaš. Váldoerohus oamastan- ja nannenmodeallas lea mánáid ruovttugiella. Dát giellamodeallat gáibideaba goabbatge metodaid maid vuođul bargá mánáidgárddis.
Dán gealbopáhkas beasat eanet lohkat movt bargat oamastanmodeallain, ja movt oamastanmodealla sáhttá doaibmat sihke dievaslaš giellalávgumiin ja oasseáigásaš giellalávgumiin.