Dát sisadno ij la vel jårggåluvvam julevsámegillii.
<  FORRIGE 7. Oamastanmodealla

Suokkardallanbargu 2: Giellalávgunmánáidgárddit

Illustrasjon av tre snakkebobler

Geahča fas filmma Giellalávgunmánáidgárddit. 

Suokkardallangažaldat 1:

Go lea hástaleaddji čađahit dievaslaš giellalávguma:
Manin jáhkat lea leamašan hástaleaddji čađahit dievaslaš giellalávguma din mánáidgárddis?
Ságastallet ovttas. Váldet vuolggasaji domeanain, maid birra Todal muitala filmmas. 

  • Leatgo dis doarvái sámegielat bargit?
  • Sámástitgo sámegielat bargit čađat mánáiguin, vaikke goas ja gos?
  • Leatgo dis fysalaš lanjat ja olgoarenat gos dušše sámegiella geavahuvvo? 
  • Leatgo dis áiggit mánáidgárdeárgabeaivvis goas čađat sámástehpet?
  • Namut fáttáid maid oktavuođas álo geavahit sámegiella.
  • Leatgo dis eará hástalusat dahje čuolmmat dán oktavuođas. 
     

Suokkardallangažaldat 2:

Váldde vuolggasaji domeanain mat namuhuvvot filmmas ja suokkardallangažaldagain dás badjelis. 
Movt sáhttibehtet ovttas ásahit oasseáigásaš giellalávguma iežadet mánáidgárdái?

  • Movt sáhttibehtet láhčit dili vai sámegielat bargit besset obba áigge sámástit sámi mánáiguin? 
  • Makkár doarjaga sáhttibehtet fállat sámegielat bargiide, ja movt sáhttibehtet sihke gielalaččat ja pedagogalaččat doarjut sámegielat bargiid? 
  • Leatgo dis doarvái sámegielat bargit? Jus eai, de movt sáhttá dán čoavdit?
  • Movt sáhttibehtet fátmmastit sámi váhnemiid ja sámi lagasbirrasa dán bargui? Leatgo din guovllus giellaguoddit geaid sáhttibehtet bovdet mánáidgárdái?
  • Jus váilot sámegielat bargit, de movt sáhttibehtet organiseret mánáidgárdeárgabeivviid nu ahte sámegiella geavahuvvo obba áiggi (100%), go dasa lea várrejuvvon áigi?
  • Movt sáhttibehtet organiseret nu ahte leat fysalaš sirrejuvvon lanjat ja baikit olgun, gos galgá dušše sámástit?
  • Makkár fáttaid oktavuođas sáhttibehtet čađat sámástit?
  • Movt sáhttibehtet ovttastahttit domeanaid mat namuhuvvojit filmmas, ja sihkkarastet ahte 50% dan áiggis go mánát leat mánáidgárddis geavahuvvo sámegiella?
  • Movt sáhttá mánáidgárdi láhčit árgabeaivvi nu ahte mánát besset gullat ja geavahit sámegiela unnimusat beali dan áiggis go leat mánáidgárddis?

Movt sáhttibehtet 2-3 jagis ovdánahttet iežadet mánáidgárddi nu ahte nákcebehtet čađahit dievaslaš giellalávguma? 

 

<  FORRIGE 7. Oamastanmodealla