Lohkanlogga

Dán oasis galgabehtet ráhkadit skovi alccedehtet masa merkebehtet iešguđet osiid lohkama birra, mii didjiide lea dehálaš ja mas guorahallabehtet iešguđetge beliid girjelohkama ja giellaovdáneami birra. Gehččet ovdamearkkaid fiillain dás vuolábealde. 

Ovdamearkkat maid sáhttá bidjat skovvái:

• Gii lohká? (leago álo seamma olmmoš?)
• Gii hástá lohkat? (mánát vai rávisolbmot)
• Goas, man dávjá, gos ja geasa leat lohkan girjjii? (makkár beaivvi, goas beaivvis, gos logaidet, geat guldaledje? Maid dat muitala din praksisa ja mánáid birra?)
• Gallii vahkkus lávet lohkat girjjiid mánnájovkui? (lohkatgo mii juohkebeaivvi?)
• Mii lea lohkama ulbmil? (manne juste dán girjji leat válljen?)
• Mii lea girjji namma ja fáddá? (oažžut bajilgova makkár fáttás lehpet lohkan girjjiid, ja makkár sániid soitet oahppan)
• Movt liikojedje bártnážat ja nieiddažat girjelohkamii? (leigo gelddolaš buohkaide?)
• Movt váikkuha girjelohkan mánáid sátneriggodaga nannemii? (ohppe go ođđa sániid, sojahemiid ja dadjanvugiid?)
• Ledje go girjjis olu geardduheamit?
• Makkár sojaheamit ledje girjjis? (olu vai unnán sojahuvvon sánit. Leatgo omd. konditionális ja imperatiivahámit, duálahámit, oamastangehčosat?)
• Ledje go girjjis árbevirolaš dadjanvuogit? (makkárat?)
• Ledje go girjjis synoniimmat ja antoniimmat? (unnán vai valljit?)