Gaskadásis čađahit nationála geahččaleamit sámegiela lohkamis go leat 5. luohkáceahkis. Geahččaleapmi ráhkaduvvo gelbbolašvuođamihttomeriid vuođul mat leat 4.luohkkáceahki maŋŋel (LK20S). Sámegiela lohkama nationála geahččaleamit mihtidit man muttus ohppiid lohkanmáhttu lea oahppoplánaid gelbbolašvuođamihttomeriid ektui, main lohkanmáhttu lea integrerejuvvon buot fágaide. Dát mearkkaša ahte geahččaleamis isket buot fágaid lohkangálggat, mat leat dan jagáš geahččaleamis, eai ge dušše sámegielfágas.
Nationála geahččaleamit lohkamis
Nationála geahččalemiid ulbmil lea addit skuvllaide (oahpaheddjiide ja skuvlajođiheddjiide) dieđuid ohppiid sámegiela lohkangálggaid birra. Geahččalemiid bohtosiid vuođul sáhtát árvvoštallat ja viidáseappot ovddidit ohppiid lohkangálggaid sámegillii.
Guovddáš gažaldagat
- Maid mihtidit nationála geahččaleamit lohkamis?
- Mo sáhttet oahpaheaddjit atnit geahččalemiid digaštallanvuođđun lohkama ektui?
- Makkár resurssat leat gávdnamis PAS – Prøver siiddus ja mo sáhttá daid atnit ovdánahttit ohppiid lohkanmáhtu?
- Mo sáhttet oahpaheaddjit atnit teavsttaid, bargobihtát ja bohtosiid bargat lohkamiin fágaidrasttildeaddji?
Páhka lea hábmen: Ellen Oline Eira Gaup