Gosse gaskedaltesisnie dellie nasjovnaale pryövah tjïrrehtieh mearan 5. klaassesne. Pryöva lea dorjeme ihke edtja sjïehtedh dan maahtoevuartoem mij lea 4.lohkemetsiehkesne learoeplaanesne (LK20S). Saemiengïelen lohkemepryövah meatadieh mennie tsiehkesne lohkememaahtoe lea learoeplaani gaskemierien muhteste, gusnie lohkememaahtoe lea gaajhkine faagine ektine gïehtjedamme. Daate buakta ahte pryövajne lohkememaahtoem gaajhkine faagine meatadåvva, ij barre saemiengïelhfaagine.
Image
Nasjovnaale pryövah lohkemisnie
Ulmie dej nasjovnaale pryövajgujmie lea daajroem learohki lohkeme-evtiedimmien bïjre skuvlide vedtedh (ööhpehtæjjide jïh skuvlejuhtiehtæjjide). Pryövaj illeldahkh maehtieh våaromine utnedh ihke gïehtjedidh mejtie daerpies ööhpehtimmiem nænnoestidh naan raedtesne.
Voernges gyhtjelassh
- Maam nasjovnaale pryövah lohkemisnie meatadieh?
- Guktie ööhpehtæjjah maehtieh pryövah digkiedimmieaamhtesinie lohkemen muhteste provhkedh?
- Magkerh vierhtieh PAS-sæjrojne gååvnesieh, jïh guktie dejtie nuhtedh ihke learohkidie reektestidh jïh lohkememaahtoem evtiedidh?
- Guktie ööhpehtæjjah maehtieh teekst, barkoestuhtjh jïh illeldahkh utnedh ihke faagirastah lohkeminie barkedh?
Paahke evtiedamme: Ellen Oline Eira Gaup