Sirdašupmi mánáidgárddis skuvlii

Go mánná geas leat giellaváttut galgá sirdit mánáidgárddis skuvlii, de lea dehálaš ahte mánáidgárddis lea buorre lagas ovttasbargu ruovttuin ja skuvllain. Dán ovttasbarggus ferte leat guovddážis dan maid mánná máhttá ja hálddaša ja masa son dárbbaša earenoamáš heiveheami. Jus mánáidgárdi galgá addit dieđuid skuvlii ovttaskas máná birra, de fertejit máná váhnemat/ovddasteaddjit miehtat dasa. Ruoktu galgá diehtit makkár dieđut mannet skuvlii. 

Buorre ovttasbargu gaskkal mánáidgárddi, skuvlla ja ruovttu lea dehálaš go galgá vuhtiiváldit máná dárbbuid ja oahppanvejolašvuođaid. Oahpahus sáhttá dalle heivehuvvot mánnái vuosttaš skuvlabeaivvi rájes ja addá oadjebasvuođa sihke mánnái ja váhnemiidda. Dakkár bargovuohki addá skuvlii vejolašvuođa ráhkkanit, dat nanne sirdašumi mánáidgárddis skuvlii ja ahte mánná vásiha ahte lea čanastat gaskkal mánáidgárddi ja skuvlla.

Ságastallangoarta:

• Makkár rutiinnat din mánáidgárddis leat sirdašumi ektui?