Lohkat govaid

Go mánát geahčadit govvagirjjiid, de sii dávjá fuomášit govain eará go rávisolbmot, sii fuomášit detáljaid maidda rávisolmmoš ii bija fuomášumi. Divtte mánáid muitalit maid sii oidnet ja doalat dahje joatkke sága dan birra. Jeara maid sii oidnet, mii dáhpáhuvvá, makkár govva mánáid mielas lea, somá, ilgat, váivves, dahje áibbas konkrehta makkár mielas diet mánná dien govas orro leame, maid son dat jurddaša jna.  

Govain soitet maid leat áđat/oasit maid mánát eai dovdda ovdalaččas, dahje doppe dáhpáhuvvá juoga mii ii leat oahpes dáhpáhus mánáide, ja dalle lea vuogas muitalit dan sániiguin, vai mánát ohppet ođđa sániid ja daidda gullevaš dadjanvuogi ja sojaheami. Lea maid dehálaš iešguđet lágan surggiid girjjiid válljet vai nanne giellariggodaga iešguđet fáttáin.