Reflekšuvdna ja suokkardallan: Muitalusat ja máidnasat oahpahusas

A. Ságastallet mo dii lehpet muitalusaiguin ja máidnasiiguin bargan sámegiela oahpahusas ja oahpahusas muđui.Lonohallet iežadet bargovugiid ja vásáhusaid dan ektui  joavkkus. Guorahallet ahte gokčet go dat vuogit  oahppoplána jurdaga ja mo sáhttá bargat oláhan dihte oahppoplána ulbmiliid. 

Á. Ságastallet dien iežadet vásáhusa dan ektui maid lehpet oahppan muitalusaid bokte mánnán ruovttus ja skuvllas. Suokkardallet leat go dat oahppanvuogit fievrreduvvon luohkkálatnjii man ge lahkái dál dahje  leago vejolaš fievrredit.
(Ovdamearkka dihte: Dii soittiidet mánnán gullan muitalusaid barggadettiin juoidá olgun ja mii guoskkai dan doibmii, lea go nu vejolaš dán áiggi?

B. Dán áiggii eai leat muitalusat ja máidnasat nu fokusis mánáid ja nuoraid gaskkas earret eará spealuid ja eará ođđaáigásaš ájanasaid geažil. Mo sáhttet oahpaheaddjit bargat vai movttidahttit ohppiid eambbo lohkat ja beroštit muitalusain? Ráhkadehpet joavkkus evttohusaid mo sáhttá eambbo fokuseret muitalusaide oahpahusas.