Giellačuovvoleapmi
Vaikko mánát leat sámegielagat de leat sii iešguđetge dásis gielalaččat. Mánáidgárddis ferte heivehit giellageavaheami ja giellačuovvoleami ovttaskas mánnái, jus ulbmil lea ahte mánná galgá šaddat produktiivvalaš sámegielagin. Mánáidgárddis lea dábalaš vuos áicat mánáid giela, dasto kártemiid bokte oaidnit leago mánás dárbu čuovvoleapmai. Go lea kárten máná giela, de bidja johtui gielladoaimmaid kártemiid vuođul.
Gielladoaimmat mánáidgárddis leat buorit sihke ovttaskas mánnái ja olles mánnájovkui. Danin sáhttá čáđahit giellačuovvolanbargguid mat gullet ovtta mánnái olles mánnájoavkkun, go dát doaimmat ovddidit olles mánnájoavkku giela. Ovdamearka dakkár doibmii lea hárjehallat gielalaš diđolašvuođa breahttaspealuiguin, dego Alias-spealuin dahje Riibmalotto-spealuin.
Árvvoštallet makkár gielladiđolašbarggut leat din mánáidgárddis, ja movt dát leat doaibman.